Abantailak eta desabantailak

Hona hemen "Business Angela" finantzabide edukitzean lortutako abantaila nagusiak:

• Enpresari finantziazioa ematen diote.
• Ohiko kreditu-erakundeek baino arrisku handiagoa hartzen dute, eta arrisku zein mozkin handiko inbertsioak bilatzen dituzte. Hori dela-eta, sektore berritzaileetan inbertitu ohi dute, oro har finantziazio-iturriak aurkitzeko zailtasunak dituztelako. Goi-teknologiaren edo bioteknologiaren sektoreez ari gara, esaterako.
• Euren enpresa-esperientzia dute. Sarritan, aholkulariak ere badirenez, jakintza transferitu eta aberastasuna sortzen da.
• "Business Angel" batzuek helburu finantzarioak eta sozialak lortu nahi dituzte, euren erkidegoaren onurarako.
• Azterketa-kostuak gutxitu egiten dira (ez da due diligence osoa egin behar).
• Zenbait BA batu daitezke inbertsio-taldea osatzeko. Horrela, arriskua banatuko lukete eta balio handiko esperientzia ugari eskainiko lizkiokete hedatzen ari den enpresari.

Honako hauexek dira desabantailak:

• Jabetza disolbatuko da, finantziazioa lortzeko.
• Ez da erraza "Business Angel" egokia aurkitzea.
• Kontrola galdu daiteke zenbait erabaki estrategikotan.
• Enpresak akzio-partaidetzaren zati bat saldu behar du. Akziodun batzuek ez dute kanpoko inbertsiogileek parte hartzerik nahi.
• Inbertsiogilearentzako arriskua handia da, enpresan gutxiengodun partaidetza badu, kontrola oso mugatua izango delako eta oso zaila izango delako saltzea.
• Baliteke "Business Angelaren" eta gerentearen arteko harremana ona ez izatea.